ردت الفنانة ليلى أحمد زاهر على الجدل الذي أثاره ظهورها مع زوجها الفنان والمنتج هشام جمال في برنامج “ABtalks” مع الإعلامي أنس بوخش، حيث تعرضت لانتقادات بسبب بعض الأجزاء التي تم اقتطاعها من الحلقة وتداولها بمعانٍ مختلفة عن سياقها الكامل.
وأوضحت ليلى عبر حسابها على موقع “انستجرام” أن تصوير الحلقة تم في أواخر أشهر الحمل، وأنها أبلغت إدارة أعمالها فريق البرنامج بأنها متعبة وتحتاج إلى تأجيل التصوير، لكنها حضرت في النهاية بعد تأخرها واعتذرت لأنس بوخش وفريق البرنامج عن هذا التأخير.
وقالت: “بحترم وبقدر ردود الأفعال واهتمامكم، تصوير حلقة AB Talks حصل وأنا في أواخر شهور الحمل، قبل التصوير إدارة أعمالنا بلغت فريق البرنامج أننا سنصل متأخرين لأني تعبت شوية، ولما وصلنا اعتذرنا لأنس وفريق البرنامج بالكامل على التأخير.”
وأضافت: “وأنا داخل الاستوديو قلت لهشام إني لسه تعبانه وطلبت منه يساعد أكثر في إدارة الحوار لأني كنت تعبانه ولأن طاقتي بشكل عام أقل في الفترة دي وده شيء طبيعي.”
موقف السفر بين ليلى وزوجها
وتابعت: “موقف السفر حصل فعلاً! لكن بعدها لوحده اتكلم معايا وقالي إنه انتبه إنه تصرف غلط بحكم طريقة نشأة شباب كتير وإنه نوع تصرفات محتاج تصحيح وعلاج وده كان تكملة كلامه الموجود في الحلقة الكاملة.”
وأكملت: “الحقيقة أن من يومها محصلش موقف مشابه، وفكرة أن راجل ياخد باله ويحلل ويصارح بالمشكلة ويتغير عشانك هو أكيد شيء يحترم.”
وواصلت: “أنا اخترتك! وأنا كمان اخترته.. لأن كثير من أسبابنا متشابهة، أكيد بحبه عشان طريقة تعامله معايا وكمان تعاملاته في حياته ومع الناس، وأكيد عشان شايفاه الأحسن والأنسب والأحلى في كل حاجة، وسبب ذكر الجملة دي في الحلقة هو نقاش عن الغيرة، وأنه كان بيأكدلي هو ليه عمره ما يشوف واحدة أحسن مني، مش لأنه بيشرح بطريقة متعالية زي ما الجزء اللي نزل كان بيتكتب عليه.”
تفاصيل علاقة ليلى زاهر بـ هشام جمال
وعن علاقتها بهشام جمال، أوضحت: “علاقتي بهشام بدأت من ٤ سنين، وبقالنا حوالي سنة ونص متجوزين، وأنا أكثر واحدة عارفة تفاصيل علاقتنا وحياتنا واتفاقاتنا اللي بنحترمها وبتمشي علينا إحنا الاتنين، لكن كمان عندي أمي وجدتين وأخوات وصديقات قريبين مني جداً، كلهم سيدات بخبرات مختلفة شايفين علاقتنا من قريب وعايشين تفاصيل كتير منها، وكلهم بيحترموه وبيحبوه وبيدعولنا نكمل بنفس التفاهم اللي إحنا فيه.”
وواصلت: “أنا بتكلم عن شخص من يوم فرحنا لحد النهارده، كل أيامي معاه حلوة، بيعاملني بكل حب واحترام وتقدير، شخص من أول يوم في حملي مسابنيش في تعب، ولا سفر لشغلي، ولا زيارة دكتور، لأنه حاططني أولوية في حياته وقدر يحتويني بتغيرات مشاعري وأحاسيسي خلال تجربة جديدة علينا إحنا الاثنين.”
وأكدت: “أنا أقدر أحكم على اللي أنا عايشاه حالياً.. وهو أننا عدينا أول مرحلة من الجواز بيتقال عليها من أصعب المراحل، بحب وتفاهم وأتمنى نكمل كده وأحسن إن شاء الله بعيداً عن التنبؤات المتشائمة المتأثرة بانتشار العلاقات السامة واللي هيلاقوا دائماً زاوية تقلب أو تحور أي شيء إيجابي لسلبية حتى الكلام اللي أنا بكتبه دلوقتي.”
رسالة ليلى أحمد زاهر لجمهورها
ووجهت ليلى رسالة لمتابعيها: “ربنا يكتب لكل حد السعادة والراحة في حياته بطريقته وإن شاء الله تشوفونا بعد سنين أكتر، ونكون مبسوطين ومتفاهمين أكثر وأقدر أنا كمان أخليه سعيد قد ما
