تحدثت الإعلامية فرح شعبان في مقطع فيديو نشرته عبر حسابها الخاص على موقع “إنستجرام” عن معاناتها بعد انفصالها للمرة الثالثة عن طليقها البلوجر علي غزلان، مشيرة إلى تعرضها للظلم.
تصريحات فرح شعبان
قالت فرح شعبان: “ارحموا من في الأرض يرحمكم من في السماء، أنا تعبت والله، مش عارفة لحد إمتى هفضل محتوى للطرف الآخر. كفاية إني اتظلمت في حياتي كلها، وكفاية إني أخدت لقب أنا مكنتش عايزة أخده، وكفاية إني واحدة عندي 27 سنة بقت سنجل ماما، وبتدير حياة كاملة لوحدها وبتربي طفل عشان ميطلعش معقد، وحاجات كتير الواحد ساكت عنها”.
وأضافت: “بس لحد إمتى هفضل محتوى؟ ومعنى إني اتطلق 3 مرات من نفس الشخص، يعني أنا عملت كل ما بوسعي عشان أكمل، لحد ما وصلت لمرحلة إني خلاص بموت. وحتى لما بنصح الستات، عشان ده محتوايا وبرنامجي اسمه ‘إنتي’، لما بتكلم بقول ده أب كويس ومحترم، لكن بيتقال عليا أنا كنت دافنة حياتي ليه.. كفاية ظلم وكذب بقى”.
وتابعت: “ولو حد بيعاملني بما يرضي الله، مكنتش همشي ولا أحب كنت أخد لقب مطلقة، ولا إني أربي ابني بعيد عن أبوه، ولا إني أبقى لوحدي وحياتي اتدمرت. أنا ممكن أقول أسباب الطلاق، بس مش هقول عشان ابني يفضل يحبك”.
يذكر أن علي غزلان ظهر مؤخراً في أحد البرامج وتحدث عن المواقف التي تعرض فيها للخذلان، كما أكد أنه دون أسباب طلاقه من فرح شعبان في مذكراته.
كواليس انفصال علي غزلان وفرح شعبان
أعلن البلوجر علي غزلان انفصاله عن زوجته فرح شعبان للمرة الثالثة في شهر أبريل الماضي. وكان الانفصال الأول قد حدث في يونيو عام 2024 بعد زواج دام قرابة عامين ونصف، قبل أن يقررا العودة إلى بعضهما في نوفمبر من العام نفسه. ثم أعلن علي غزلان انفصاله عن فرح شعبان للمرة الثانية في أبريل عام 2025.
