تحدث مطرب الراب ويجز عن زوجته نور العزاوي، كاشفًا تفاصيل علاقتهما وكيف بدأت، بالإضافة إلى دورها في اختيارات ملابسه خلال الحفلات والمناسبات.
ويجز ضيف إسعاد يونس
ظهر ويجز كضيف في برنامج “صاحبة السعادة” الذي تقدمه الفنانة إسعاد يونس على قناة “dmc”، حيث قال عن زوجته: “اتقابلنا في تصوير واتخنقنا معاها، وبعد كده أنا كنت حابب أشوفها تاني، فابتدينا نشتغل معاها”.
ويجز يكشف دور زوجته في اختيار ملابسه
وأشار إلى أن زوجته تلعب دورًا مهمًا في اختيارات ملابسه، حيث قال: “أنا بالنسبة لي اللبس تعبير عن الحالة اللي إنت فيها اليوم ده، وكل الناس اللي شغالة معانا ليها حق تقول رأيها في اللبس قبل ما أطلع بيه، بس أنا بالنسبة لي طبعًا أهم حد أخد رأيه هو نور. والموضوع ده كان قبل ما نتجوز، وبعد ما اتجوزنا مبقتش شايل هم اللبس خالص، هي دارسة الفنون والتصميم في الجامعة الأمريكية”.
وأضاف: “من وأنا صغير مبحبش أطلع بلبس عادي، أنا عيلتي من الأقصر، والنص التاني من سوهاج، ومن إسكندرية عاجبني اللبس بتاعنا اللي مبقيناش نستخدمه، فحبيت أطلع بيه مرة، لبست جلابية في حفلة في ليبيا”.
ومن المقرر أن تُذاع الحلقة الثانية من لقاء ويجز مع إسعاد يونس اليوم الإثنين، في تمام الساعة العاشرة مساءً، عبر قناة “dmc”.
آخر أعمال ويجز
طرح ويجز مؤخرًا أحدث أعماله الغنائية بعنوان “الشاي يا بابا”.
