تلقى الفنانة ليلى أحمد زاهر دعمًا كبيرًا من عدد من نجوم الوسط الفني بعد الانتقادات التي تعرضت لها إثر ظهورها مع زوجها الفنان والمنتج هشام جمال في برنامج “ABtalks” مع الإعلامي أنس بوخش.
تعليقات النجوم على بيان ليلى زاهر
عبرت الفنانة درة عن دعمها لليلى، حيث كتبت: “مش مضطرة تبرري يا حبيبتي، الحياة بين اثنين أكثر عمقًا وتعقيدًا من انطباعات لحظية بناخدها من كلام بيتقال.. وبقينا في زمن غريب عامة والتقييمات السطحية كثيرة. ربنا يسعدكم يا حبيبتي، عيشي حياتك وتجربتك واختيارك واللي ربنا كتبهولك”.
أما الفنانة رنا رئيس، فقد كتبت: “ربنا يسعدكم ويحفظكم لبعض ويبعد عنكم كلام الناس وشرهم، ويتمملكم فرحتكم على خير ويرزقكم راحة البال والحب دايمًا”.
فيما قالت شهد رمزي: “محدش لازم يفهم، المهم إن انتوا فاهمين ومبسوطين، كل واحد بياخد الكلام من الحتة اللي هو عايزها. أنا شفتها ما شاء الله بطريقة حلوة جدًا والكلام حقيقي للي يعرفك ويعرف هشام، كلام حقيقي وصادق وطبيعي جدًا، ماتخليش أي حاجة تبعدك عن أي يوم حلو بتعيشيه. ربنا يديم الحب والسعادة والتفاهم بينكم”.
كما أضافت الفنانة هاجر الشرنوبي: “مش لازم توضحي لأي حد أي حاجة يا لولي، إنتوا الاتنين متربين أوي أوي، ماتستنيش أي حد يفهم، ربنا يعين كل واحد على دماغه، كل بني آدم هيشوف من منظوره وزاويته هو، فسيبك منهم. المهم إنتي ربنا يقومك بالسلامة يا مامي يا صغننة، أول طبق ملوخية عندي”.
وكتبت مها الصغير: “لستي بحاجة لتفسير أي شيء لأي أحد، فقد أصبحت وسائل التواصل الاجتماعي لا تطاق، بارك الله فيكما، لكِ كل الحب والسعادة يا حبيبتي”.
بينما علقت الفنانة راندا البحيري: “قمرين والله، ربنا يسعدكم يارب”.
تفاصيل بيان ليلى أحمد زاهر
في بيان لها عبر حسابها على موقع “انستجرام”، أوضحت ليلى أن تصوير الحلقة تم في أواخر أشهر الحمل، وأنها أخبرت إدارة أعمالها بأنها متعبة وتحتاج إلى التأجيل، لكنها حضرت في النهاية واعتذرت لأنس بوخش وفريق البرنامج عن التأخير.
وقالت: “بحترم وبقدر ردود الأفعال واهتمامكم، تصوير حلقة AB Talks حصل وأنا في أواخر شهور الحمل، قبل التصوير إدارة أعمالنا بلغت فريق البرنامج اننا هنوصل متأخر لاني تعبت شوية، ولما وصلنا اعتذرنا لأنس وفريق البرنامج بالكامل على التأخير”.
وأضافت: “وإحنا داخلين الستوديو قلت لهشام إني لسه تعبانه وطلبت منه يساعد أكثر في إدارة الحوار لأني كنت تعبانه ولأن طاقتي بشكل عام أقل الفتره دي وده شيء طبيعي”.
ماذا حدث في موقف السفر بين ليلى وزوجها؟
تابعت ليلى: “موقف السفر حصل فعلا! لكن بعدها لوحده اتكلم معايا وقالي أنه انتبه أنه تصرف غلط بحكم طريقة نشأة شباب كتير وإنه نوع تصرفات محتاج تصحيح وعلاج وده كان تكملة كلامه الموجود في الحلقة الكاملة”.
وأكملت: “الحقيقة أن من يومها محصلش موقف مشابه، وفكرة أن راجل ياخد باله ويحلل ويصارح بالمشكله ويتغير عشانك هو اكيد شيء يحترم”.
وأوضحت: “أنا اخترتك! وأنا كمان اخترته.. لأن كثير من أسبابنا متشابهة، أكيد بحبه عشان طريقة تعامله معايا وكمان تعاملاته في حياته ومع الناس، وأكيد عشان شايفاه الاحسن والانسب والاحلى في كل حاجه، وسبب ذكر الجملة دي في الحلقه هو نقاش عن الغيره، وأنه
