شاركت ريما الرحباني، ابنة المطربة الكبيرة فيروز، متابعيها عبر صفحتها الرسمية على موقع التواصل الاجتماعي فيسبوك، منشورًا طويلًا عبّرت فيه عن حزنها العميق بعد رحيل شقيقيها. وأكدت أنها تجد صعوبة في تقبل فكرة فقدانهما.
كتبت ريما: “نقطة عالحرف، أنا بطبيعتي بحب وزع فرح على الناس كل الناس عاللي حوليي محبين أو لأ، وبحب الضحك بحب إضحك على كل شي حتى على حالي حتى بالحزن، بشوف الحياة لا تُطاق بدون الضحك! وكتير بحب فرح قلوب اللي حوليي، قراب وبعاد، هيك بشوف الحياة، هاي طريقتي وطريقي.. كون حدّن، شيل الهم عن قلبُن وقدم فرح، هيدا فرحي الوحيد”.
ريما الرحباني
أضافت ريما: “وبس حس ما عندي شي قدّمه إلا الحزن، بفل وبختفي. ما بعرف شارك حزني، ما بعرف شارك إلا فرحي.. يمكن أنا غلط! هيك بيضلوا يقولولي أصحابي! بس ما عم إقدر كون غير هيك! وبختفي بختفي عن الكل وعن كل شي! حتى عن الصحاب والقراب، كأني بعمري ما كنت”.
وتحدثت عن الصعوبات التي واجهتها قائلة: “تلات سنين عم يجوا الضربات ورا بعضُن، كل ضربة أقوى من التانية، هالشي ما عاد خلاني شوف ولا أي ضو إِتمسك فيه، فا إختفيت وإختفيت!”، مشيرة إلى أنها تكره الواجبات وتعترف بتقصيرها في القيام بها بالنسبة للمجتمع. وأضافت: “أما بالنسبة إلي، غير مُعترف فيهُن أساساً، لا بالحياة ولا بالتصرف! يا بعمل الإشيا متلما بحسها، يا ما بعملها! وفكرة العزا والتعزية، بحياة عمري ما إقتنعت فيها، أنو شو العزا والواجبات؟ أية واجبات؟ الحياة واجبات وتمثيل؟ ولا إحساس وصدق!؟ ومين رح يقدر يخفف عني؟ أكيد ما حدا لأن في إشيا بالحياة ما بتتبلع، وما حدا مُمكن يساعدني أصلاً إبلعها وما بطيق ولا مقتنعة بتغيير الجو!”.
ريما الرحباني: بعدني ما بكيت إخوتي
أشارت ريما إلى أنها أدركت أن غيابها طال حتى عن الأصدقاء، حيث لم ترد على رسائلهم منذ سنتين ونصف. وأوضحت: “بلشت شوي شوي فتح بهالرسايل، وشوي شوي إرجع على الحياة، بس بصراحة بصراحة؟ بعدني ما تصالحت مع الفكرة!، شايفيني عم إحكي ونظم وحط نقط عالحروف وماسكة زمام الأمور، بس أنا أنا بعدني ما بلعتها ولا استوعبتها”.
وأكدت أنها مازالت تشعر بوجود شقيقيها، وأنها ستذهب لزيارتهما، قائلة: “كرهانة البيوت اللي كانوا فيها معي ويمكن هربانة منها، حتى لا تحسسني بحقيقة غيابهم، كيف يعني يفلُّوا؟ كيف يعني أوعى نهار لاقي كل إخوتي فلُوا؟ كيف وليش؟ أكيد لأ، أكيد مش صحيح، أكيد رح يِرجعوا، لهيك ما بدي إبكي ورافضة إبكي وعاجزة إبكي! وأكيد أكيد رح نرجع نتلاقى!”.
وفاة زياد وهلي الرحباني
جدير بالذكر أن الموسيقار زياد الرحباني رحل عن عالمنا في يوليو 2025، وبعد وفاته بـ 6 أشهر توفي شقيقه هلي الرحباني في يناير 2026.
