تحدثت الفنانة ياسمين صبري عن اهتمامها بصحتها ومظهرها، وكشفت عن بعض العادات التي تتبعها في حياتها اليومية، بالإضافة إلى مشاركتها لأصعب وأسعد لحظات حياتها، ورؤيتها للحب والسعادة والتفاؤل، وذلك خلال لقائها في برنامج “موعد مع لميس” الذي تقدمه الإعلامية لميس الحديدي.
وأكدت ياسمين صبري أن الاهتمام بالصحة يعد من أهم أشكال الاستثمار في النفس، حيث قالت: “الصحة بتبقى مهمة أوي، في ستات شكلها أصغر عشان هي واخدة بالها من نفسها، ده الاستثمار، استثمري في نفسك، بتاخدي بالك من أكلك ونومك وصحتك”.
روتين العناية بالبشرة
وعن روتين العناية بالبشرة، نفت ياسمين صبري وجود روتين ثابت، موضحة: “معنديش روتين، أنا من الناس اللي بتغير كريماتها مفيش حاجة ثابتة خالص، برضة مابحطش فاونديشن، بي بي كريم وسي سي كريم، التاني تو سترونج عليا يتعب لي بشرتي، بريح بشرتي، بنام، النوم ده فيه أصله تجديد للخلايا وكل حاجة، بيريسيت”.
وعندما مازحتها لميس الحديدي بشأن إمكانية أن يعتقد الجمهور أن النوم هو سر جمالها، ردت ياسمين: “والله لو هي شايفة إني أمورة أشكرها جداً ده في عينيها الحلوة، بس هو حاجات كتير، أهلي كانوا ناس أمامير جيناتهم حلوة، الجينات جزء منه، وأنا بحافظ على نفسي”.
ياسمين صبري تكشف نظامها الغذائي
كما تطرقت ياسمين صبري إلى نظامها الغذائي، حيث أوضحت أنها تركز على قياسات جسمها أكثر من الوزن، قائلة: “بالمازورة بقى الأصعب، بالسنتي، وبركز أكتر.. ماباكلش مانجة، ماباكلش رز، ماباكلش كاربس خالص، على أساس إن لو أكلت رز مش هعدي من الباب”.
وعن الأطعمة التي تعتمد عليها، قالت: “باكل أسماك أكتر، اللحمة ده قليل أوي، بطلت الدقيق، عيش بلدي الصبح بس وفاكرة إن أنا كدة أوكيه”.
وكشفت ياسمين صبري أنها لاحظت تحسنًا في حالتها بعد اتباع هذا النظام، حيث قالت: “حاسة إن زمان من الناس اللي صوابعي تتنفخ وشي وخدودي يتنفخوا وإنتي مش مليانة كان يكون عندي إنفلاميش التهابات جوا جسمي وما كنتش واخدة بالي”.
وأضافت: “الفكرة إن جهازك الهضمي ده ميكونش على طول شغال إنه قاعد بيفرم في حاجة، وبعدين العقل التاني للجسم هو المعدة.. دي فكرة الصيام أصلاً إنك تكون بطنك فاضية عشان أفكارك تكون أفضل، وتتعبدي صح، وتكون الصلة بينك وبين الله والشحن بتاعك من السما مش من الأكل”.
