تحدثت الفنانة مديحة حمدي عن علاقتها بالفنانة الراحلة سميحة أيوب، وكشفت تفاصيل مؤثرة عن الفترة التي تلت وفاتها، موضحة أنها شاركت في غُسل جثمانها.
وقالت مديحة حمدي، خلال لقاء تلفزيوني مع الإعلامية نهال طايل، ببرنامج “تفاصيل” المذاع على قناة “صدى البلد 2”: “مقدرتش أسيبها، وموقف صعب، وقعدت أقولها إنتي سامعاني، والله بوستها من أول راسها لحد رجلها.. أنا عارفة إنك سامعاني”.
وأشارت إلى أنها كانت تشعر برغبة في زيارة سميحة أيوب، قائلة: “ساعات كنت لما أخلص شغلي وقاعدة لوحدي، أقول أنا قريبة مثلًا من التلفزيون، أروح أقعد مع مدام سميحة، فساعات أنسى وييجي في بالي أعدي عليها، لكن مفيش دلوقتي مدام سميحة، لكن حاسة إنها لسه عايشة معانا ومماتتش”.
مديحة حمدي عن سميحة أيوب
وتحدثت مديحة حمدي عن الجوانب الشخصية في حياة سميحة أيوب، قائلة: “ست بيت جدًا، تطبخ حلو قوي ومؤسسة قائمة بذاتها، تعمل شعرها بنفسها، مانيكير، باديكير، قص”.
وأضافت: “مرة قعدنا ندردش مع بعض، قعدنا من الساعة 7 بتتكلم، بصيت لقينا الساعة 3 الصبح، بتحكيلي سيرتها الذاتية، وأنا استمتعت جدًا، ولو تقدر تعمل أي حاجة لأي حد، متتأخرش أبدًا إنها تعملها، ومش من النوع اللي بيغتاب ولا ينم، اللي بيروح مبيجيش زيه”.
