وجه مؤدي المهرجانات عمر كمال رسالة مؤثرة للمطرب الشعبي محمود الليثي، معبراً عن دعمه الدائم له في مسيرته الفنية.
رسالة عمر كمال لـ محمود الليثي
نشر عمر كمال صورة له مع محمود الليثي عبر حسابه على فيسبوك، وعلق قائلاً: “ده أبويا اللي رباني.. ومحدش يعرفني أكتر من اللي رباني.. ده اللي نزلت القاهرة عيل صغير تايه في المجال بين حيتان الشغلانة وقف جمبي وأداني زقة و ٢ و ١٠”.
وأضاف: “ولما كبرت في الشغلانة وقولتله وقفني جمبك أغنى معاك.. قالي تعالى جمبي وأداني من جمهوره وشهرته ونجاحه.. مهما يحصل ومهما يعمل لا عمري أزعل منه ولا عمري أشيل جوايا ذرة زعل في قلبي ناحيته”.
واستكمل: “ومهما ناس قالت وحاولت تبوظ وتعكر اللي بينا.. هو عارف ابنه وعارف عمر كمال من جواه عامل ازاي.. ده حبه جوايا زي حبي لأمي حاجة ربانية مهما يحصل هفضل أعشقه”.
رسالة سابقة من عمر كمال لـ محمود الليثي
وفي رسالة سابقة، كتب عمر كمال عن محمود الليثي عبر حسابه على فيسبوك: “شهادة لله وأتحاسب عليها قدام ربنا.. لو شوفت مطرب في المجال ده مستقيم وماشي بما يرضي الله فهو محمود الليثي.. لا سيجارة ولا كاس ولا بنات ولا سهر ولا عمره شوفته بيعمل شئ ممكن يخليه يتوه عن شغله وأكل عيشه وبيته وعياله.. ولو حبيت أتعلم منه حاجة قبل الفن فهتعلم منه الالتزام واني أعمل بيت وأسرة وأراعي ربنا فيهم”.
