رد المخرج خضر محمد خضر على الانتقادات التي وجهت إليه بعد وفاة طليقته ياسمين سيف أبو النجا، ابنة الفنانة نجلاء فتحي، حيث اتهمه البعض بالتخلي عنها خلال فترة مرضها، وأن حالتها الصحية تدهورت بعد انفصالهما.
تعليق خضر محمد خضر
كتب خضر عبر حسابه على فيسبوك: “ممكن أحكيلكم مين اللي ضحك على ياسمين ووالدتها وأقنعهم إنها تعمل قسطرة تكميلية في المستشفى بتاعتها.. بدل الجراحة التكميلية اللي الدكتور الإسباني رفض يعملها عشان مايحصلش مضاعفات واحتمال وفاة.. وحذرها من القسطرة وأنا وزين حذرناها وللأسف عملتها من ورا ضهرنا”.
وأضاف: “وممكن احكيلكم على كل حاجة كل اللي نفسكم تعرفوه، بس بشرط.. كل واحد فيكم يحكيلنا الأول عن أسرار بيته والخبايا اللي ماحدش ينفع يعرفها وعلاقتكم كأسرة وعلاقتكم كأزواج ومين عمل إيه بالتفصيل ومين راح فين وعلاقتكم الصحية ومشاكلكم النفسية وأسماء الدكاترة اللي بيعالجوكم والأدوية اللي بتاخدوها ومين طلق مين وليه ومين اتجوز مين وليه وإمتى”.
وتابع: “اللي مستعد يحكي أسرار بيته بالتفصيل على الملأ أنا هحكيله أسرار بيوتنا بالتفصيل، يا إما خليكم في حالكم وسيبوا الناس في حالها، إحنا لا علينا دين لحد ولا مطالبين نحكي أسرارنا لحد”.
وأشار إلى أنه منذ طلاقهما، تحول من زوج ياسمين إلى أخيها الثالث، بينما أصبحت ياسمين بالنسبة له أختاً وليس طليقة، مؤكداً أن مكانتها في قلبه ستظل كما هي. وطلب من الجميع الدعاء لياسمين بالرحمة والمغفرة ولابنتها ولأهلها بالصبر والقوة.
اختتم حديثه بالقول: “وياريت كفاية ترندات وقرف وسيبونا في حالنا بجد.. ملحوظة: الصورة ديه من يوم حفل تخرج زين من المدرسة ٢٨ يونيه ٢٠٢٥ يعني بعد الطلاق بستة أشهر”.
هجوم الجمهور على خضر محمد خضر
تعرض المخرج خضر محمد خضر لهجوم من عدد من رواد مواقع التواصل الاجتماعي، بعدما اتهمه البعض بالتخلي عن طليقته في أزمة مرضها.
وفاة ياسمين أبو النجا
توفيت ياسمين أبو النجا، ابنة الفنانة نجلاء فتحي، بعد تعرضها لأزمة قلبية يوم الأحد الماضي.
