نشرت الفنانة الشابة أسما شريف منير مجموعة من الصور التي تجمعها بزوجها عبر حسابها الرسمي على موقع “إنستجرام”.
حرصت أسما على مشاركة متابعيها رؤيتها الجديدة لحياتها وطريقة تعاملها مع مواقع التواصل الاجتماعي، بعد فترة من الابتعاد عنها.
سبب ابتعادها عن السوشيال ميديا
كشفت أسما شريف منير أن ابتعادها عن السوشيال ميديا خلال الفترة الماضية منحها فرصة للنظر إلى حياتها من زاوية مختلفة، مؤكدة أنها اكتشفت خلال هذه الفترة ما ترغب في تقديمه للجمهور، وهو الحياة الطبيعية والبسيطة بعيدًا عن المبالغة والتكلف.
وقالت أسما في منشورها على “إنستجرام”: “لما كنت بتعلم الرسم بالزيت، اتعلمت إن ساعات لازم أبعد عن الصورة علشان أعرف أشوفها صح. طول ما أنا قريبة منها أوي، مش ببقى شايفة الصورة كاملة، وده تقريبًا اللي حصل معايا مع السوشيال ميديا”.
وأضافت: “بعدت عنها فترة وأنا ببني عالم تاني بعيد عن كوني Content Creator، والمسافة دي خلتني أتفرج وأفهم أنا فعلًا عايزة أقدم إيه، لقيت عالم كله بيجري، بيقارن، بيقلد، وبيبقى obsessed بالحاجة اللي بعدها… وحسيت إن أكتر حاجة نفسي أقدمها هي العادي”.
وعبرت عن رؤيتها للحياة التي تتمناها قائلة: “حياة عادية وطبيعية نقعد مع بعض أكتر، نقلل تليفون، ناكل في البيت، نشتغل على نفسنا، نبطل نقارن، نجيب اللي نقدر عليه، نبر أهلنا، ونقرب من الناس اللي بتحبنا. منبقاش نسخة من حد، نبقى نسخة أحسن من نفسنا”.
وواصلت: “بعد ما بعدت وبصيت للصورة من بعيد، عرفت أنا عايزة أرجع بإيه، أنا كده زي ما أنا، حياتي الطبيعية من غير تكلف ولا بهرجة، ساعات فيها مغامرة، وساعات مملة، وساعات شغل كتير، الأكل العادي، اللبس العادي، الخروجات العادية، والأيام العادية، لأن كل حاجة بقت بتحاول تبقى مش عادية، يمكن إحنا محتاجين نـ explore العادي تاني”.
اختتمت أسما شريف منير رسالتها بالقول: “عايزين حياة هاديه بسيطة وحقيقية يعني وعادي”.
